Kandidati për kryetari të Junikut, Ruzhdi Shehu ka mbajtur takimin përmbyllës në kuadër të fushatës për zgjedhjet lokale.
Ai ka marrë mbështetjen e grave të kësaj komune edhe për një mandat tjetër.
“Në këtë takim sot keni qenë pjesëmarrëse mbi 200 gra dhe vajza junikase. Për dallim nga tubimet e partive tjera, të gjitha gratë dhe vajzat pjësmarrëse në takimin e LDK-së janë nga Juniku dhe votojnë në Junik. Faleminderit shumë për përkrahjen tuaj kaq të madhe. Gruaja është shtylla e shoqërisë, potenciali dhe fuqia më e madhe që e kemi. Prandaj në mandatin tonë të dytë do të vazhdojmë me shumë projekte që në fokus do të kenë përkrahjen e rolit të gruas dhe fuqizimin e saj në vendimarrjen e Komunës së Junikut”, shkruan Shehu.