Ferit Idrizi ka siguruar sërish mandatin e kryetarit të Komunës së Vushtrrisë, duke mposhtur kandidatin e LVV-së, Sylejman Meholli.
Idrizi ka reaguar përmes një postimi në Facebook, duke treguar se ka rikthyer menjëherë aktivitetet në zyrë dhe vazhdon punën për qytetin, ndërsa në zyrë u prit edhe me një tortë.
“Sot u ktheva në zyrë për t’i vazhduar punët që s’janë ndalur asnjëherë, as gjatë fushatës.
Pas fitores së mbrëmshme, u prita me ngrohtësi nga punonjësit e administratës komunale, me të cilët vazhdojmë çdo ditë punën për qytetin tonë.
Falënderim i sinqertë për secilin qytetar që besoi në vizionin dhe përkushtimin tonë.
Vushtrria ecën përpara me punë, përgjegjësi dhe rezultate”, ka shkruar Idrizi.