Albert Krasniqi nga Demokracia Plus, thotë se tre tema të prodhuara artificialisht nga Lëvizja Vetëvendosje po dominojnë debatin.
“Në këto zgjedhje të jashtëzakonshme po hyjmë me tri tema kryesore që dominojnë debatin publik: 1. Kush është fajtor për bllokadën financiare? 2. Kush është “me Listën Serbe”? 3. Kush është kundër votimit të diasporës?”, shkruan ai.
Sipas tij, po fabrikohen kriza, për të përfituar politikisht.
“Po fabrikohen kriza politike për t’i shitur si beteja patriotike, po krijohet pasiguri dhe jostabilitet për të përfituar politikisht. Në vend të zgjidhjeve – po prodhohet krizë. Në vend të përgjegjësisë – po prodhohet fajësim. Në vend të stabilitetit – po prodhohet polarizim”, përfundon Krasniqi.