Arian Qelaj, një 45-vjeçar nga Mazniku i Deçanit, i njohur si recedivist i veprave penale dhe dy familjarë të tij, janë shpallur në kërkim për tentim-vrasjen e afaristit Jeton Buquku të dielën.
Buquku u plagos rëndë si pasojë e të shtënave me armë zjarri paraditen e së dielës në rrugën “Adem Jashari” në Pejë.
Pronari i kompanisë së përpunimit të mishit “Buquku Sh.p.k”, i lënduar rëndë, pranoi fillimisht trajtim në Spitalin Rajonal të Pejës, para se të transferohej për trajtim të mëtutjeshëm në Qendrën Klinike Universitare në Prishtinë. Mjekët e kanë vlerësuar gjendjen e tij si stabile dhe jashtë rrezikut për jetë.
Hetimet e ndërmarra nga Policia e Kosovës kanë rezultuar me identifikimin e tre të dyshuarve për rastin.
Siç raportoi sot Sinjali, të dyshuarit janë Arian, Yll dhe Altin Qelaj, pjesë e familjes Qelaj nga fshati Maznik i Deçanit.
Ata, aktualisht ndodhen në arrati, raporton Paparaci.
Arian Qelaj, 45-vjeç, është një recidivist i veprave penale.
Në dhjetor të vitit 2019, Policia e Kosovës e kishte shpallur Qelajn në kërkim për dhunim dhe lëndim të rëndë trupor. Ai dyshohet se ishte arratisur në Gjermani.
Arian Qelaj, bashkë me vëllain e tij Ismetin, ishin akuzuar nga Prokuroria e Pejës për rrahjen e dy personave në një kafiteri në fshatin Raushiq të Pejës. /Paparaci.com
- Në fotografinë e ballinës: Arian Qelaj (majtas) dhe Jeton Buquku (djathtas)