Presidenti i SHBA-së, Donald Trump, ka përshkruar marrëveshjen për Grenlandën si “një marrëveshje me të cilën të gjithë janë të kënaqur”, duke theksuar se sipas tij përmbush të gjitha kërkesat e Shteteve të Bashkuara.
Në një postim në rrjetin social Truth, Trump tha se marrëveshja “merr gjithçka që ne donim” dhe përfshin veçanërisht sigurinë kombëtare dhe atë ndërkombëtare. Ai shtoi se marrëveshja është “vërtet fantastike për SHBA-në” dhe shprehu shpresën që të “zgjatë përgjithmonë”.
Trump paralajmëroi gjithashtu se detaje shtesë mbi marrëveshjen kornizë do të shpallen më vonë, duke e përshkruar procesin si “paksa kompleks” dhe duke premtuar shpjegime të mëtejshme në ditët në vijim.