Prokuroria Speciale ka kërkuar caktimin e masës së paraburgimit ndaj një të dyshuari me inicialet E.H, për shkak të dyshimit se i njëjti ka kryer veprën penale “Përgatitje të veprës penale Vrasje e Rëndë”.
Sipas kërkesës së Prokurorisë, i pandehuri për shkak të një mosmarrëveshjeje të mëhershme me të dëmtuarin M.D, e cila kishte ndodhur në Shtetet e Bashkuara të Amerikës në vitin 2021, në bashkëpunim me A.D (tashmë i akuzuar), kishte planifikuar vrasjen e të dëmtuarit, me motiv hakmarrjeje.
Dyshohet se ai (E.H) kishte arritur marrëveshje me të akuzuarin A.L, në këmbimi të shumës së parave prej 100.000 eurosh, me qëllim që ky i fundit të angazhonte persona të tjerë për privimin nga jeta të të dëmtuarit M.D.
Prokuroria Speciale ka parashtuar kërkesë për caktimin e masës së paraburgimit në Gjykatën Themelore në Prishtinë, pas arrestimit të të dyshuarit E.H. në Gjermani.