Kandidati për deputet nga PDK-ja, Lulzim Aliu, ka zhvilluar një takim me bujqit e fshatit Komogllavë, ku është diskutuar për sfidat me të cilat përballet sektori i bujqësisë dhe nevojën për investime më të mëdha në këtë fushë.
Aliu theksoi se bujqësia mbetet një nga shtyllat kryesore të zhvillimit ekonomik të vendit dhe se mbështetja e fermerëve dhe e prodhimeve vendore do të jetë ndër prioritetet e angazhimit të tij politik.
“Në Komogllavë takuam bujqit e këtij fshati, me të cilët diskutuam për sfidat me të cilat po përballen dhe për rëndësinë e investimeve në bujqësi si shtyllë e zhvillimit ekonomik të vendit tonë. Mbështetja për sektorin e bujqësisë dhe prodhimet vendore do të jetë prioritet i angazhimit tonë”, ka deklaruar Aliu.