Bayern Munich dhe mbrojtësi austriak Konrad Laimer kanë arritur marrëveshje për diferencat financiare dhe tani janë gati të përfundojnë negociatat për një kontratë të re.
Sipas raportit të Kicker, bisedat për rinovimin e kontratës së Laimerit, e cila skadon në 2027, kishin ngecur për një kohë të gjatë për shkak të mosmarrëveshjeve në çështjet pagës. Tani, pas zgjidhjes së diferencave, duket se është arritur një marrëveshje e gjerë. Laimer, 29 vjeçar, është pjesë e skuadrës që nga vera 2023 dhe ka veshur fanellën në 136 ndeshje për kampionët.
Në pranverë, kërkesa financiare të Laimerit dhe oferta e Bayern-it kishin një hendek të dukshëm, çfarë kishte penguar përparimin e bisedave. Sipas burimeve, mbrojtësi do të marrë rritje pagës në kontratën e re, por ajo nuk do të arrijë në nivelin që ai kishte kërkuar fillimisht.
Rinovimi i Laimerit vjen në një moment ku Bayern po përgatitet për merkaton e verës 2026, ku klubit i nevojiten zgjidhje të qëndrueshme për disa pozicione kyçe. Për momentin, fokusi i ekipit është të sigurojë vazhdimësinë e mbrojtësit në skuadër dhe të përfundojë marrëveshjen pa vonesa.