Prokuroria Themelore në Prishtinë ka nisur hetimet për sulmet me laser ndaj aeroplanëve që fluturuan nga Aeroporti i Prishtinës të hënën në mbrëmje.
Rasti, i cili është raportuar në fshatin Janjevë të Lipjanit, është iniciuar në drejtim të veprës penale “rrezikim i sigurisë së aviacionit civil”.
Policia e Kosovës tha se hetimet kanë nisur të enjten.
“Më 16.07.2026 në konsultim me prokurorin është iniciuar rasti i lartcekur, pasi që policia kishte pranuar një informatë se më 13.07.2026 kishte ndodhur rasti i lartcekur”, thuhet në raportin 24-orësh të policisë.
“Rasti është duke u hetuar”, tha policia në raport.
Kjo vepër penale mund të dënohet me burgim deri në pesë vjet.