Përpara ndarjes së trofeut të Kupës së Botës, FIFA njoftoi fituesit e çmimeve individuale të turneut pas ndeshjes finale të dielën.
Dhe, të gjitha çmimet shkuan për spanjollët.
Topi i Artë i shkoi Rodrit, gjë që i habiti shumëkënd sepse jo shumë e konsideruan në atë pozicion para ndeshjes finale, ku favoritët ishin Messi, Mbappe, Bellingham, dhe madje edhe Kane e Yamal ishin përpara tij, sipas vlerësimeve të agjencive të basteve.
Megjithatë, komiteti i FIFA-s, i kryesuar nga Arsene Wenger dhe i përbërë nga ish-lojtarë, trajnerë dhe analistë, zgjodhi Rodrin.
Komisioni përbëhet nga ish-trajneri legjendar Arsene Wenger, Pascal Zuberbühler, Otto Addo, Tobin Heath, Jürgen Klinsmann, Jayne Ludlow, Michael O’Neill, Gilberto Silva, Jon Dahl Tomasson, Paulo Wanchope, Aron Winter dhe ish ndihmës-trajneri i kombëtares shqiptare, Pablo Zabaleta.
Lojtari më i mirë i ri u shpall Pau Cubarsi, ndërsa portieri më i mirë Unai Simon. Kylian Mbappe është fituesi i Këpucës së Artë me dhjetë gola.