Ambasadori i Shteteve të Bashkuara të Amerikës (ShBA), Jeff Hovenier, në një postim në Twitter ka shkruar rreth vizitës së emisarëve specialë të Bashkimit Evropian dhe të SHBA-së, BE-së dhe ShBA-së, Miroslav Lajçak dhe Gabriel Escobar në Kosovë.
Ai në një postim në Twitter ka shkruar se ShBA-ja inkurajon angazhim kontruktiv në dialogun mes Kosovës dhe Serbisë, si dhe ka shtuar se sovraniteti territorial i Kosovës nuk është temë debati.
“Përfundoi një vizitë produktive SHBA-BE nga Përfaqësuesit Specialë Escobar & Lajcak në Kosovë. Ne inkurajojmë angazhimin konstruktiv, fleksibël dhe urgjent nga të gjithë për të arritur përparim në Dialogun e lehtësuar nga BE. Sovraniteti dhe integriteti territorial i Kosovës nuk janë për debat”, shkruan ai.
Wrapped up a productive U.S.-EU visit from Special Reps Escobar & Lajcak to Kosovo. We encourage constructive, flexible, and urgent engagement by all to achieve progress on the EU-facilitated Dialogue. Kosovo’s sovereignty & territorial integrity are not up for debate. pic.twitter.com/7LoDeHfHdR
— Ambassador Jeff Hovenier (@USAmbKosovo) February 2, 2022