Kryeministri Albin Kurti, i ka komentuar shpenzimet e deputetëve për karburanteve për periudhën nëntor-dhjetor të vitit të kaluar, e të cilët më pas janë subvencionuar nga buxheti i shtetit.
Shefi i Qeverisë nëpërmjet një konference për media tha se shpenzimet e tilla janë të trashëguara nga e kaluara, por se një rregullore e tillë për kompensimin e shpenzimeve duhet të ndryshojë.
“Shefja e GP të LVV-së tashmë e ka dhënë njoftimin për këtë çështje. Po ashtu ka kërkuar nga kryesia e Kuvendit rishikimin e vendimit për kompensim. Shpenzimet e tilla mund të jenë të trashëguara nga e kaluara. Këto pagesa duhet rregulluar. Kuvendi duhet të ndërmerr vendime për ndryshimin e rregullores. e kuptoj indinjatën e qytetarëve. I padrejtë piketimi ndaj ndonjë deputeti për një vendim që është i 2011-ës. është detyrë e secilit në vend, që ta ruajnë kuletën e shtetit”.
“Duhet të jenë model për qytetarët. Ne si ekzekutivi e kemi bërë këtë. Jemi dëshmitarë që shpenzimet e ulura nga qeveria e Kosovës, pikërisht atëherë kur janë rritur të hyrat si në Doganë apo në Agjencinë Tatimore. Deputetët duhet të jenë shembull për të gjithë dhe qytetarët me të drejtë presin më shumë”, tha kreu i VV-së në konferencë.