Imazhet më të fundit satelitore të ofruara nga kompania amerikane e teknologjisë hapësinore Maxar tregojnë se aktiviteti ushtarak rus në shkallë të gjerë vazhdon pranë kufijve të Ukrainës, pavarësisht pretendimeve të fundit ruse për de-përshkallëzimin dhe tërheqjen.
Të marra në mes të shkurtit, ato ilustrojnë se Ukraina mbetet e rrethuar nga tre anët – në kufijtë e saj me Rusinë dhe Bjellorusinë – nga pajisjet ushtarake ruse dhe përqendrimet e trupave, transmeton BBC.
Është e rëndësishme të kujtojmë se prania aktuale ushtarake e Rusisë prej rreth 30,000 trupash në Bjellorusi, ndërsa është alarmante si për Ukrainën ashtu edhe për NATO-n, janë pjesë e stërvitjeve të përbashkëta të planifikuara që do të përfundojnë më 20 shkurt.
Pra, një test kyç i synimeve të Moskës do të vijë pas asaj date kur imazhet satelitore do të zbulojnë nëse pjesa më e madhe e forcave ruse atje kanë mbetur apo janë larguar.