Ambasadorja amerikane në Kombet e Bashkuara, Linda Thomas-Greenfield tani po flet në takimin urgjent të Këshillit të Sigurimit të OKB-së që po mbahet në New York, raporton The Guardian, transmeton Paparaci.
Duke iu referuar urdhrit të Putinit për trupat në Ukrainën lindore për “detyrat paqeruajtëse”, ajo tha: “Kjo është marrëzi. Ne e dimë se çfarë janë ata në të vërtetë.”
Ajo tha se “askush nuk mund të qëndrojë mënjanë” teksa i quajti veprimet e Rusisë një shkelje të parimit bazë të së drejtës ndërkombëtare.
Putin “bëri një sërë pretendimesh të egra dhe të rreme që synonin të krijonin një pretekst për luftë”, shtoi ajo.