Australia planifikon t’i bashkohet aleatëve për të sanksionuar personalisht Vladimir Putin dhe ministrin e Punëve të Jashtme të Rusisë, Sergei Lavrov, raporton The Guardian, transmeton Paparaci.
Megjithatë, aktualisht nuk po planifikon të dëbojë diplomatët rusë.
Pak orë më parë ministrja e jashtme australiane Marise Payne tha se ajo po merrte këshilla nga departamenti i saj për zgjerimin e sanksioneve për të përfshirë presidentin rus, i cili do të ishte “personalisht përgjegjës për vdekjet dhe vuajtjet e ukrainasve të pafajshëm”.
Payne tha se ndërsa sanksionimi i liderit të një vendi ishte një hap i jashtëzakonshëm, pushtimi rus i Ukrainës ishte “një situatë e jashtëzakonshme”.
“Është e qartë se mënyra e vetme për të kërkuar një kosto për ato veprime është të sigurohet që ai, vetë, të ndajë një pjesë të asaj kostoje dhe një pjesë të dhimbjes që po i shkakton të gjithëve përreth tij në Ukrainë.”