Ish-kryediplomati i Kosovës, Enver Hoxhaj beson se Kosova e ka një mundësi të artë aktualisht që të anëtarësohet në Këshillin e Europës.
Hoxhaj ka shkruar në Facebook se kjo mundësi duhet të shfrytëzohet nga Kosova, që sipas tij duhet “të aplikojë sot”.
“Mirëmëngjesi Kosovë! Përjashtimi i Rusisë nga Këshilli i Evropës le t’i paraprijë anëtarësimit të Kosovës! Mundësi të tilla të arta nuk injorohen, por shfrytëzohen! Është koha që Kosova të aplikojë, jo nesër, por sot!”, shkroi Hoxhaj.
Këtë e kërkoi edhe kreu i PDK-së, Memli Krasniqi, i cili tha se Kosovës i janë hequr pengesat kryesore për anëtarësim në këtë organizatë.