Policia e Kosovës ka njoftuar se Tarkan Ozdemir, vëllai i Drejtorit Menaxhues të Bankës “TEB” në Kosovë, Orçun Ozdemir, është dërguar në mbajtje.
Ndaj tij ishte lëshuar urdhër arrest ndërkombëtar, transmeton Paparaci.
“Në bazë të urdhër arrestit ndërkombëtarë është arrestuar i kërkuari mashkull shtetas i Turqisë dhe i njëjti pas intervistimit me vendim të prokurorit është dërguar në mbajtje”, thuhet në raportin 24 orësh.
Tarkan Ozdemir po kërkohej nga autoritetet e Moldavisë. Ai është arrestuar dje (e premte) në Prishtinë, në bazë të një urdhër-arresti ndërkombëtar, si i dyshuar për mashtrim.
Arrestimi i tij është realizuar nga Njësia FAST e Policisë së Kosovës.
Orçun Ozdemir, vëllai i Tarkan Ozdemir, është Drejtor Menaxhues dhe anëtar i Bordit të Bankës “TEB” në Kosovë.
Arrestohet vëllai i drejtorit të Bankës “TEB” në Kosovë, i kërkuar nga Interpoli