Atletico Madrid mposhtën në “Wanda Metropolitano” skuadrën e Real Betisit 3:0, në kuadër të xhiros së 12-të në La Liga.
Golin e parë e shënoi Yannick Carrasco në minutën e 26-të. Goli i dytë ishte autogol i realizuar nga German Pezzella, kurse për rezultatin final 3:0 shënoi Joao Felix.
Atletico po ashtu arriti fitoren e nëntë rresht në shtëpi kundër Betisit, ndërsa është mposhtur vetëm një herë në 18-të ndeshjet e fundit.
Skuadra e udhëhequr nga Diego Simeone gjendet në vendin e katërt në tablë me 22 pikë e ndjekur pas pikërisht nga Real Betis në pozitën e pestë me 21 pikë.