Një përleshje me thika mes disa persona ka ndodhur sot rreth orës 11:30 në afërsi të Gjimnazit “Hajdar Dushi” në Gjakovë, me ç’rast dy persona kanë mbetur të lënduar.
Njëri nga të lënduarit i cili është therur me thikë është dërguar për në Spitalin e Gjakovës, kurse tjetri është dërguar në ambulancën e qytetit.
Lajmin për Paparacin e ka konfirmuar zëdhënësi i Policisë për Rajonin e Gjakovës, Nysret Gjurkaj.
“Sot rreth orës 11:30 afër Gjimnazit “Hajdar Dushi” në Gjakovë ka ndodhur një përleshje mes disa personave, ku kanë mbetur të lënduar dy persona. Njëri nga të lënduarit ëshët therur me thikë”, tha ai për Paparacin.
Tutje ai ka shtuar se Policia ka dalë në vendin e ngjarjes dhe po merret me rastin.