Një aksident trafiku ka ndodhur pak më parë në autostradën “Ibrahim Rugova”, kyçja në drejtim të Prishtinës nga Suhareka.
Lajmin për Paparacin e ka konfirmuar, zëdhënësi i Policisë së Kosovës, Baki Kelani.
Ai ka treguar se dy persona kanë pësuar lëndime trupore si pasojë e një aksidenti të ndodhur.
Rreth orës 08:40, policia është njoftuar për një aksident trafiku të ndodhur në autostradë, segmentin Suharekë -Duhel në kilometrin e 33-të. Njësia policore nga vendi i ngjarjes njofton se në aksident janë përfshirë dy vetura dhe si pasojë e aksidentit dyshohet se dy persona kanë pësuar lëndime dhe janë dërguar për tretman mjekësor”, tha Kelani për Paparacin.
Gazeta Express, ka siguruar foto nga vendi i ngjarjes ku ka ndodhur aksidenti.
