20 vite më pas, një grua është vendosur në krye të Kuvendit në Malin e Zi.
Danijela Gjuroviq është kryetarja e re e Parlamentit të Malit të Zi me 45 vota pro dhe tre vota kundër.
Pas shpalljes së rezultatit, Gjuroviq u shpreh e kënaqur dhe e nderuar që pas dy dekadash ajo është gruaja e parë e zgjedhur në këtë post.
“Edhe qeveria edhe opozita duhet të punojnë së bashku drejt kësaj rruge, sepse këtu jemi të gjithë përfaqësues të qytetarëve. Nuk do të lejojmë që kjo periudhë të jetë garë parazgjedhore dhe luftë partiake, por do të gjejmë forcën për të gjetur një gjuhë të përbashkët të kompromisit dhe të pajtimit,” u shpreh ajo.