Tre persona janë arrestuar e dy të tjerë janë shoqëruar për në Stacionin e Policisë lidhur me rastin ku mbeti i vrarë një person dhe dy të tjerë mbetën të plagosur.
Lajmin e ka konfirmuar zëdhënësi i Policisë së Kosovës për rajonin e Pejës, Fadil Gashi.
“Janë katër persona të dyshuar dhe ata janë arrestuar, derisa një tjetër është shoqëruar në Polici për intervisitim”, ka thënë Gashi.
Kurse, zëdhënësi i Prokurorisë Themelore në Pejë, Shkodran Nikçi, ka thënë se dy prokurorë të shtetit në Pejë kanë dalë në vendin e ngjarjes.
“Dy Prokurorë të Krimeve të Rënda nga Prokuroria e Krimeve të Rënda nga Prokuroria Themelore në Pejë së bashku me Policinë e Kosovës janë në vendin e ngjarjes. Deri më tani kemi të konfirmuar një viktimë, ndërkaq që dyshohet se janë të plagosur edhe dy persona”, tha ai për Paparacin.