Deputetja e AAK-së, Albana Bytyqi, ka reaguar për vdekjen e 26-vjeçarit, Faton Haxhaj, i cili vjen nga fshati Greikoc i Komunës së Suharekës.
Bytyqi tha se Haxhaj ishte djalë punëtor dhe aktivist i pashembullt.
“Pikëllues dhe i rëndë lajmi për vdekjen tragjike të Faton Haxhaj, djalit të dëshmorit Haxhi Haxhaj nga Grekoci i Suharekës”, shkroi ajo në Facebook.
“Fatoni ishte një djalë punëtor, i dashur e aktivist i pashembullt. Ngushëllimet më të sinqerta familjes, të afërmve dhe gjithë atyre që e njohën. Dritë të pastë shpirti Faton!”.
26-vjeçari nga Suhareka ka vdekur sot.
Ai ishte pranuar në emergjencën e qytetit me plagë të rënda, të cilat dyshohet se janë shkaktuar nga arma e zjarrit.
Megjithatë, mjekët nuk kishin arritur ta shpëtonin.