Sot është duke u mbajtur konferenca e radhës për ecurinë e çështjes ndaj ish krerëve të Ushtrisë Çlirimtare të Kosovës dhe zgjerimin e aktakuzës nga ZPS-ja.
Aktualisht, i pranishëm është ish-deputeti i Lëvizjes Vetëvendosje, Rexhep Selimi.
“10-shi’ i UÇK-së u përgjigj në pyetjen e gjykatës se a i ka kuptuar akuzat e reja që janë përfshirë në aktakuzën e lexuar nga sekretarja.
Ai tha se i ka kuptuar edhe lexuar këto akuza, megjithatë u shpreh se nuk ka të bëjë asgjë me krimet e pretenduara të Gjykatës.
“Natyrisht që i kam lexuar dhe kuptuar dhe pohoj edhe njëherë që nuk kam të bëjë asgjë me krimet e as me akuzat e pretenduara në këtë aktakuzë”, tha Selimi.
Po ashtu, ai është deklaruar i pafajshëm për të gjitha akuzat që rëndojnë mbi të.
“Më lejoni të deklarohem i pafajshëm si të gjitha pikat e aktakuzës”, u shpreh Selimi.