Në ngjarjen e sotme ku mbeti i vrarë Hasan Berisha në Kaçanik është i plagosur edhe vëllai i tij, Kastriot Berisha.
Ai po trajtohet në Klinikën Emergjente ku gjendja e tij është e rëndë.
Drejtori i Klinikës Emergjente në QKUK, Naser Syla ka thënë se i plagosur në Kaçanik po trajnohet në këtë klinikë dhe është në gjendje të rëndë.
“Po pacienti i cili është i plagosur është në klinikë dhe e ka gjendjen mjaft të rëndë”, ka thënë Syla.
I plagosuri Kastriot Berisha ende nuk i është nënshkruar ndonjë intervenimi kirurgjik sipas Sylës.
“Ende nuk e kemi operuar jemi duke ia përcjellë gjendjen”, ka thënë ai.
Hasan Berisha, një person i moshës rreth 40-vjeçare, është vrarë nga të shtënat me armë zjarri derisa vëllai i tij është plagosur të martën.