Gjykata Ndërkombëtare Penale (GJNP) ka dërguar një ekip prej 42 anëtarësh në Ukrainë për të hetuar krimet e dyshuara të luftës ruse.
“Ne kemi dërguar një ekip prej 42 hetuesish, ekspertësh mjeko-ligjorë dhe personel mbështetës në Ukrainë për të çuar përpara hetimet tona ndaj krimeve që janë në juridiksionin e Gjykatës Ndërkombëtare Penale”, tha në një deklaratë prokurori i GJNP-së, Karim Khan.
Khan theksoi se ky është dislokimi më i madh që mund të ketë ndodhur ndonjëherë.
“Ekipi do të fokusohet në mbledhjen e dëshmive që lidhen me sulmet ushtarake që mund të përbëjnë krime sipas Statutit të Romës”, tha ai.
Ekipi i GJNP-së do të jetë në kontakt me autoritetet ukrainase dhe përfaqësues të tjerë në vend për të siguruar vazhdimësinë e punës në lidhje me identifikimin e mbetjeve, analizën balistike dhe ruajtjen e provave mjeko-ligjore”, shtoi Khan.
Sipas vlerësimeve të OKB-së, të paktën 3668 persona janë vrarë dhe 3896 të tjerë janë plagosur në Ukrainë që kur Rusia filloi luftën e saj më 24 shkurt.