Zëvendëskryeministri Besnik Bislimi ka raportuar në Komisionin për Punë të Jashtme.
Ai mes tjerash, ndonëse nuk shpalosi detajet, tha se Kosova dhe Serbia janë afër finalizimit të marrëveshjes lidhur me çështjen e energjisë në veri.
“Jemi afër finalizimit të kësaj marrëveshje. Kisha dashtë që mos me fol për detajet e marrëveshjes që të mos rrezikohet asgjë në moment të fundit”, tha ai.
“Jemi në rrugë të mirë që më në fund veriu i Kosovës të futet në sistem normal të furnizimit, faturimit dhe pagesave të faturave të energjisë”, deklaroi Bislimi.