Presidenti rus, Vladimir Putin, urdhëroi rritje me 10 për qind të pensioneve dhe pagës minimale për t’i bërë ballë inflacionit në rusi, por mohoi që problemet ekonomike në vend, të ishin të gjitha të lidhura me konfliktin në Ukrainë. Më inflacionin që arriti pranë 18 përqindëshit muajin e kaluar, numri 1 i Kremlinit pranoi se vitit 2022 do të ishte i vështirë për ekonominë ruse. Paga minimale në Rusi është 13 mijë e 890 rubla ose 250 dollarë, ndërsa pensionet mesatarisht 18 mijë e 500 rubla ose 300 dollarë.
“Ky vit është i vështirë. Inflacioni është rritur me 11 për qind që prej fillimit të tij. Por kur them “I vështirë” nuk do të thotë se të gjitha vështirësitë lidhen me operacionin special ushtarak. Pasi edhe në vendet ku nuk po ndërmerret ndonjë operacion, p.sh. Amerikën e Veriut apo Europë, inflacioni është i krahasueshëm”.