Asociacioni i Komunave të Kosovës sot do të takojë përfaqësues të Ministrisë së Shëndetësisë, për të diskutuar rreth masave të reja anti-Covid, që do të vendosen pas datës 13 tetor.
Takimi i kryetarëve të komunave me përfaqësuesit e Ministrisë së Shëndetësisë do të fillojë në orën 14:00, raporton Paparaci.com.
Bazuar në situatën me Covid-19 që është aktualisht në vend, komunat do të propozojnë masat të cilat do të shqyrtohen më pas nga Ministria e Shëndetësisë.
Një propozim erdhi dje nga kryetari i Komunës së Gjilanit, Lutfi Haziri, i cili ka propozuar që personat e vaksinuar të lirohen nga obligimi për mbajtjen e maskës.
Ndryshe, nga 27 shtatori janë në fuqi masat anti-Covid të cilat janë të vlefshme deri më 13 tetor.