Trajneri i Xhudos Driton Kuka ka shprehur indinjatën e tij për faktin se Kosova vazhdon të mbetet pa liberalizim të vizave.
Duke përmendur sukseset e mëdha që Kosova ka arritur përmes sportit, e posaçërisht përmes xhudos nëpër botë, Kuka përmes një statusi në “Facebook”, ka thënë se është e turpshme e irrituese që ne si popull të jemi të robëruar në mes të Evropës.
“Evropa po diskriminon Kosovën me mos liberalizim të vizave,shteti i vetëm në Evropë! Po shpresoj që sot të kemi ndoj lajm pozitiv edhe pse personalisht spo besoj.Krejt arsyetimet që po mundohen mi jep shtete hezituese si Franca,Holanda e ndonjë tjetër aspak sqëndrojnë.
Stop diskriminimit. Lejoni fëmijët të lëvizin lirshëm ashtu si të gjithë fëmijët e çdo shteti tjetër evropian”, ka shkruar në mes tjerash trajneri më i mirë në botë për sportin e xhudos.