Naser Pajazitaj është dënuar me burgim të përjetshëm për vrasjen e Donjeta Pajazitaj. Ai është shpallur fajtor për vrasje të rëndë dhe për mbajtje në pronësi të pautorizuar të armëve.
Ky rast kishte marrë epilog dy herë në Gjykatën Themelore në Pejë. Pas gjykimit të parë Pajazitaj ishte shpallur i pafajshëm, kurse pas gjykimit të dytë, dhe të tretë ai ishte dënuar me burgim të përjetshëm.
Por, në të tre rastet, aktgjykimet ishin anuluar nga Gjykata e Apelit, dhe Supreme dhe lënda ishte kthyer në rigjykim për të tretën herë.
Naser Pajazitaj akuzohet se më 9 nëntor 2015, në bjeshkët e Strellcit, Komuna Deçan në mënyrë mizore e ka privuar nga jeta viktimën Donjeta Pajazitaj nga po i njëjti fshat.