Një aksident trafiku ka ndodhur në rrugën ‘Agim Ramadani’, përkatësisht në lagjen Aktash në Prishtinë.
Vetura ka goditur dy vajza këmbësore, të cilat kanë pësuar lëndime trupore – ndërkaq shoferi menjëherë ka ikur nga vendi i ngjarjes.
“Rreth orës 22:00, është raportuar për një aksident trafiku të ndodhur në rrugën “Agim Ramadani” në Prishtinë. Nga informatat e para bëhet e ditur se në aksident janë përfshirë një veturë dhe dy këmbësore, të cilat kanë pësuar lëndime trupore”, ka thënë Borovci për Paparacin.
Lajmin e ka konfirmuar për Paparacin zëdhënësi i policisë për rajonin e Prishtinës, Agron Borovci.
Ato janë dërguar për tretman mjekësor në Qendrën Klinike Universitare.
“Të njëjtave u është ofruar trajtimi i nevojshëm mjekësor. Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti.
Rasti ka ndodhur rreth orës: 22:00”, ka thënë tutje ai.