Klubi i futbollit Prishtina sot ka zyrtarizuar largimet e gjashtë futbollistëve në atë që quhet revolucion brenda kësaj skuadre.
Bardhekaltërit kanë ndarë rrugët me sulmuesin Sadam Sulley, qendërmbrojtësin kroat Josip Tomasevic, mbrojtësin Aleksandar Ristevski, sulmuesin Agim Zeka, portierin Betim Halimi dhe sulmuesin Gauthier Mankenda.
Ish-kampioni i Kosovës kaloi një sezon aspak të mirë dhe me shumë probleme financiare duke përfunduar në mesin e tabelës.
Ata kanë emëruar Ismet Munishin si trajnerin e tyre të ri për sezonin 2022/23.