Futbollisti i kombëtares kosovare U-21, Valon Zumberi ka debutuar me ekipin e parë të Hamburgut.
19-vjeçari konsiderohet si njëri nga mbrojtësit më të talentuar në Gjermani dhe ka një tretman mjaftë të mirë te Hamburgu.
Qendërmbrojtësi kosovar ka bërë debutimin me ekipin e parë të Hamburgut, në një ndeshje miqësore ndaj Hajduk Split që përfundoi me rezultat të barabartë 2-2.
Zumberi ishte lider i Hamburgut në pjesën e dytë, derisa ai këtë vit pritet të ketë hapësira të mëdha në klubin gjerman i cili synon të rikthehet në Bundesliga.