Futbollisti kosovar, Valmir Veliu duket se e ka fituar shpejtë besimin e trajnerit të Gaziantep ku u transferua së fundmi nga skuadra e Llapit.
Veliu u largua drejt Turqisë si transferimi më i shtrenjtë i bërë ndonjëherë nga Kosova, ndërsa vetëm pas një jave sa kaloi me ekipin e ri ka shfaqur cilësitë e tij, duke fituar kështu besimin e trajnerit.
22-vjeçari do të jetë titullar sot në ndeshjen miqësore të Gaziantepit që do ta zhvillojë kundër Hermannstadt.
Ndeshja mes Gaziantepit dhe Hermannstadt do të fillojë nga ora 15:30, me kohën tonë.