Klubi i futbollit Prishtina vetëm dje ka njoftuar për shkëputjen e kontratave me nëntë futbollistë, ndërsa që nga përfundimi i sezonit nga klubi prishtinas janë larguar gjithsej 14-të futbollistë.
Pas largimeve të shumta, Prishtina sot ka njoftuar për ardhjen e re në klub. Endrit Baholli nga sot do të jetë futbollisti më i ri i klubit, i cili ka arritur një kontratë tre-vjeçare me klubin bardhë e blu.
Baholli është vetëm njëri prej shumë transferimeve që pritet të ndodhin në kryeqytet. Trajneri i Prishtinës, Ismet Munishi kishte njoftuar se gjithsej te Prishtina do të transferohen 10-të futbollistë.
Baholli luan si mesfushor ofanziv dhe gjatë gjithë karrierës së tij është aktivizuar për 2 Korrikun, teksa ka qenë pjesë edhe e grupmoshave të reja të Përfaqësueses së Kosovës.