Trajneri i Arsenalit, Mikel Arteta ka piketuar një talent të madh të futbollit turk.
Arda Guler, pjesë e Fenerbahce, është objektivi i klubit londinez dhe mediat në Turqi raportojnë se Arsenali ka nisur nga puna për ta përmbyllur këtë operacion në merkato.
I lavdëruar edhe nga Mesut Ozil, Fenerbahçe për futbollistin 17-vjeçar kërkon 25 milion paund.
Guler sezonin e fundit në Superligën e Turqisë është aktivizuar në 12 ndeshje në kampionat, vetëm dy herë si titullar, por kjo nuk e ka ndalur atë të shënojë tre gola.
Të interesuar për shërbimet e talentin 17-vjeçar janë edhe Barcelona e Paris Saint-Germain.