Victor Lindelöf nuk do të jetë në fushë kundër Kosovës sonte.
Kapiteni i ekipit kombëtar suedez dhe mbrojtësi i Manchester United, Victor Lindelöf ka mbetur në Angli ku gruaja e tij Maja do të lindë fëmijën e dytë të çiftit.
Të premten trajneri i Suedisë, Janne Andersson e mbajti derën hapur për bashkimin e Lindelöf me skuadrën për ndeshjen kundër Kosovës.
Por tani menaxhmenti i ekipit kombëtar konfirmon se ai nuk do të jetë ndeshjen e vlefshme për kualifikueset e Kupës së Botës.
“Nuk ka asgjë të re. Kjo do të thotë se ai nuk vjen sonte, nuk e luan ndeshjen”, ka thënë menaxheri i ekipit kombëtar, Stefan Pettersson, në një prononcim për Aftonbladet.
Ndeshja ndërmjet Suedisë dhe Kosovës zhvillohet sot me fillim nga ora 18:00.
Kosova ka marrë katër pikë në pesë ndeshje në kualifikueset e Kupës së Botës. Ndeshja e parë mes dy përfaqësueseve përfundoi me fitoren e Suedisë 3-0 në Prishtinë. /Paparaci.com