Agim Veliu, që prej një periudhe disa javore ka qëndruar jo afër syrit të publikut, është lajmëruar nga Stokholmi.
Ish-kreu i Komunës së Podujevës ka publikuar një fotografi që shfaq atë pranë një bashkëpatrioti teksa të dy mbajnë në duar flamurin e Dardanisë.
Veliu ka udhëtuar drejt Suedisë për të ndjekur nga afër ndeshjen e përfaqësueses së Kosovës ndaj Suedisë.
Agim Veliu shërbeu si ministër në qeveritë Kurti 1 dhe Hoti. Në të parën, u shkarkua nga kryeministri Albin Kurti me arsyetimin se nuk i bindej urdhrave të tij.
Me reformimin e strukturave të partisë pas mbërritjes së Lumir Abdixhikut në krye të Lidhjes Demokratike të Kosovës, Veliu humbi pozitën e nënkryetarit të partisë.
Në qershor 2021, ai u shkarkua nga pozita e kryetarit të degës së Lidhjes Demokratike të Kosovës në Podujevë.