Elon Musk ka shitur aksione me një vlerë totale prej 7.9 miliardë dollarësh nga 5 gushti deri më 9 gusht.
Kjo u zbulua vetëm nga një dokument i depozituar në Komisionin e Letrave me Vlerë dhe Shkëmbim të SHBA-së (SEC) dhe ka ngritur dyshime për lëvizjet e miliarderit.
A po përgatit më në fund Elon Musk një dalje nga kompania që krijoi, siç bëri me Paypal?
Sipas postimit të tij në Twitter, arsyeja ishte për të shmangur një shitje të nxituar të aksioneve të Tesla në rast se ai detyrohet të bashkohet me blerjen e Twitter, për të cilën kishte paraqitur një propozim prej 44 miliardë dollarësh.
Ai kërkon të përgatitet edhe për rastin që disa nga partnerët e tij financiarë të mos qëndrojnë deri në fund në skemën që ka paraqitur propozimin për Tëitter.
Megjithatë, kjo është hera e dytë që Musk shet aksionet e Tesla-s për hir të Twitter-it, pasi diçka e ngjashme u bë prillin e kaluar. Në atë kohë ai kishte fituar 8.5 miliardë dollarë.