Sulmuesi i kombëtares shqiptare, Armando Broja ka qenë i pranishëm sot në konferencë për media para ndeshjes kundër Izraelit në kuadër të Nations League.
21-vjeçari ka theksuar se vetëm fitorja ka rëndësi, ndërsa për aktivizimin nga minuta e parë Broja ka potencuar se i takon trajnerit të vendosë.
“Këto dy ndeshje janë të rëndësishme, duhet fitore dhe tri pikë për të dyja. Trajneri e vendos kush luan, në stërvitje e ka parë. Vetëm fitorja në duhet ajo ka rëndësi”, ka thënë Broja.
Ndërsa, për Izralin ka thënë se është një kundërshtarë i fortë.
“E dimë që është ndeshje e vështirë, pasi në Tiranë na kanë mundur, por na duhet fitorja ishalla e arrijmë. Për mua nuk ka shumë presion se kam luajtur që 3 vjeç, vetëm luaj për të fituar dhe ndihmuar ekipin”, ka theksuar 21-vjeçari.
Shqipëria do të takohet me Izraelin të shtunën dhe të mërkurën do të pres në shtëpi Islandën, në kuadër të Ligës së Kombeve.