Kombëtarja e Kosovës mëngjesin e sotëm ka marrë rrugën drejt Belfastit, ku nesër do të takohen me Irlandën Veriore.
“Dardanët” do të zhvillojnë nesër ndeshjen e parafundit në kuadër të Ligës së Kombeve, ndërsa pas pesë ditësh do të mbyllin edhe edicionin e rregullt të kësaj gare.
Nën drejtimin e përzgjedhësit Alain Giresse janë përgatitur për këtë ndeshje që nga dita e hënë, teksa sot pasdite në orën 17.30 sipas kohës lokale në Belfast do ta mbajnë stërvitjen e fundit para ndeshjes.
Ndeshja mes Iralndës Veriore dhe Kosovës do të zhvillohet nesër me fillim nga ora 18:00.