Deputeti i LDK-së, Armend Zemaj nuk tregoi se a do të votojë për projekt-kodin civil, i cili do të vijë muajin tjetër në Kuvendin e Kosovës.
Megjithatë, ai shtoi se kjo pyetje duhet t’i drejtohet shefes së Grupit Parlamentar të LVV-së, Mimoza Kusari-Lila.
“Për këtë pyetje thirre Mimoza Kusari – Lilën edhe thuj “qysh ki me i siguru 67 deputetë t’tut, për me i pasë në sallë, me votu çdo ligj, jo vetëm këtë?”. Ky është kushti për me udhëheq ose me lëshu rrugë. Ose dojnë me punu ose nuk munden me punu me 67 deputetë, e mos pas kuorum në asnjë seancë plenare. Çdo seancë që mbahet e rregullt, e jashtëzakonshme, ndërpritet nga kryetari i kuvendit për shkak të kuorumit”, deklaroi ai mbrëmjen e së hënës, në T7, transmeton Paparaci.