“Squid Game” është seriali me shikueshmërinë më të madhe në Netflix.
Në përpjekje për të ofruar transparencë më të madhe Netflix për herë të parë pas 14 vjet fshetësie publikon statistikat e para i cili tregon serialet dhe filmat më të njohur televizivë të Netflix si në nivel global ashtu edhe në më shumë se 90 vende individuale.
Në krye të listës së kompanisë është sensacioni koreano-jugor “Squid Game”, shkruan DailyMail.
Sezoni i parë i shfaqjes kishte 1.6 miliardë orë të shikuara brenda 28 ditëve të para nga publikimi – dhe deri më tani ka kaluar nëntë javë duke qëndruar në listën e 10 serialeve më të mira në Netflix.
Dhe vetëm në javën e fundit ai grumbulloi plot 42,790,000 orë të shikuara globalisht.
Diku tjetër, sipas metrikës së re të Netflixit, “Red Notice”, me protagonistë Dëayne Johnson, Gal Gadot dhe Ryan Reynolds, është shikuar për 148.7 milionë orë globalisht që kur debutoi më 12 nëntor në Netflix.
Dhe në javën e kaluar, seriali më i njohur ishte sezoni i tretë i “Narcos: Mexico”, me 50.3 milionë orë të shikuara.
Netflix tradicionalisht ka hezituar të publikojë shifrat e shikueshmërisë që nga fillimi i transmetimit në vitin 2007.
Abonentët e Netflixit kanë qenë të etur për të parë shifrat e plota të shikueshmërisë gjatë viteve, në mënyrë që të krahasojnë hitet e mëdha të platformës së transmetimit me ato nga transmetuesit tradicionalë.
Duke folur në vitin 2019, Scott Stuber, kreu i filmave origjinalë të Netflix, i tha Hollyëood Reporter se sekreti i shifrave të shikueshmërisë është rrënjosur në ADN-në e kompanisë.
Ai shpjegoi: “Ishte për krijuesit e televizionit që të dilnin nga vlerësimet dhe standardet dhe praktikat dhe në fakt të çlironin formën e tyre narrative në mënyrë që ata të mund të tregonin histori që nuk [u ndikuan] natë pas nate nga ato shifra. Pra, metodologjia ishte e drejtë. Dhe tani, ndërsa jemi rritur … jemi mësuar me të”.