Të fundit

Kaos në Argjentinë: Tifozët përplasen me policinë, një i vdekur

Boca Juniors ngeci në një barazim pa gola në transfertën ndaj Gimnasia La Plata, ndërkohë që një tifoz (Cesar Regueiro) ka humbur jetën!

Ndeshja u ndërpre në minutën e nëntë, pasi shumë tifozë vendas (pa bileta) u përplasen me policinë, pasi donin të futeshin me çdo kusht në stadium, edhe pse dyert ishin mbyllur.

Shumë prej tyre u dëmtuan, teksa nuk munguan plumbat, gazi lotsjellës, shkopinjtë e gomës dhe dhuna nga ana e forcave policore, situatë që shkaktoi kaos, panik dhe trishtim të madh.

Tifozë në tribuna, për shkak të gazit, u përpoqën të gjenin strehim në mes të fushës ose të gjenin rrugën e shpëtimit nga daljet e stadiumit, të cilat megjithatë u bllokuan për të mos lejuar që njerëzit të hynin pa bileta.

Një 57-vjeçar ka ndërruar jetë si pasojë e problemeve të shkaktuara në zemër gjatë represionit policor, një djalë i vogël ka humbur shikimin, teksa është plagosur edhe një kameraman i Tyc Sports.

Drejtuesit e Gimnasia akuzohen se kanë shitur më shumë bileta se sa kapaciteti i stadiumit “Juan Carmelo Zerillo”. “Për fat të keq, ne duhet të raportojmë se një person ka vdekur nga një problem në zemër përpara se të mbërrinte në spital.

Vdekja mund të ishte shmangur, por le të hetojmë se çfarë ka ndodhur. Nëse një pjesë e policisë ka rrahur njerëz, ata do të duhet të përgjigjen përpara drejtësisë”, deklaroi një drejtues i shtetit latin.

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci