Prokuroria Themelore në Prishtinë ka mbyllur rastin e vdekjes së gjashtë personave të infektuar me COVID-19 në Klinikën Infektive në korrikun e vitit të kaluar, në periudhë të shkurtër kohore.
Zëdhënësja Laureta Ulaj ka thënë se vdekjet kanë qenë të natyrshme.
“Sipas raportit të autopsisë, personat kanë qenë të infektuar me COVID-19 dhe kanë pasur vdekje të natyrshme”, ka thënë ajo.
Brenda 72 orësh, në dy njësi të ndryshme të QKUK-së, ku trajtoheshin pacientët me COVID-19, ishte raportuar për rënie të presionit të oksigjenit në aparatura furnizuese.
Rënia e presionit të oksigjenit siç pati raportuar KOHA ka zgjatur rreth një orë dhe niveli ka qenë rreth 21 për qind.