Trajneri i Përfaqësues së Kosovës për grupmoshat U-21, Afrim Tovërlani ka kërkuar falje pas gjuhës raciste që përdori mbrëmë.
I ftuar në emisionin sportiv mbrëmë në Dukagjin, Tovërlani e ka quajtur mbrojtësin e Gjermanisë, Antonio Rudiger “futbollist me ngjyrë qymyri”.
Përmes një postimi në Facebook, Tovërlani ka kërkuar falje për gjesti, mirëpo ai nuk e ka quajtur vetën racist, teksa ka shtuar edhe një foto në postimi e tij ku tekniku kosovar shfaqej në një kampanjë kundër racizimit sa ishte futbollist.
“Kur kam luajtur une kundër racizmit besoj qe disa nga ju që me cilesuat sot racist nuk keni qenë te lindur.
Kurr skom qenë racist as skom me qenë. Nese dikush eshte ofenduar per fjalët e mija ne emision e terhjeki fjalen dhe kerkoj falje por sigurt qe skam të bëjë me racizem”, thuhet në postimin e Tovërlanit.
