Me 27 nëntor do të mbahet mbledhja e përbashkët e Kuvendit të Kosovës dhe Kuvendit të Shqipërisë.
Në shënim të 110-vjetorit të Pavarësisë së Shqipërisë, të dielen, në ora 10:00, në Kuvendin e Republikës së Shqipërisë në Tiranë, do mbahet mbledhje e përbashkët në mes të dy shteteve.
Nga Kuvendi I Kosovës kanë njoftuar se në këtë mbledhje, deputetëve do t’u adresohen kryetarja e Kuvendit të Republikës së Shqipërisë, Lindita Nikolla dhe kryetari i Kuvendit të Republikës së Kosovës, Glauk Konjufca.
Poashtu, mbledhja do të vazhdojë me fjalimin e kryeministrit të Shqipërisë Edi Rama, dhe me fjalimin e kryeministrit të Kosovës Albin Kurti.
Fjalë përshendetëse do të mbajnë edhe kryetarët e grupeve parlamentare të Kuvendit të Kosovës dhe Kuvendit të Shqipërisë.