Kombëtarja e Polonisë ka arritur fitoren e parë në kuadër të Kampionatit Botëror që këtë edicion zhvillohet në Katar.
Polonia arriti ta mposhtë senzacionin e këtij Botërori, Arabinë Saudite.
Nën udhëheqjen e Robert Lewandowskit, polakët triumfuan me rezultat 2:0.
Golin e parë e shënoi Zielinski kurse rezultatin final e vulosi Lewandowski.
Njëherësh ky ishte goli i parë i sulmuesit të Barcelonës në një Botëror.
Momentalisht Polonia ndodhet në pozitën e parë në Grupin C, teksa me fillim nga ora 20:00 do të takohen dy kundërshtarët tjerë, Meksika dhe Argjentina.