Rada Trajkoviq do të jetë këshilltare e Nenad Rashiqit tashmë ministër për Komunitete dhe Kthim në Qeverinë e Republikës së Kosovës.
Këtë e ka konfirmuar vetë Rashiq për “Media Center”, shkruan Kosovo Online, transmeton Express.
Rashiq ka thënë se Trajkoviqin e ka emëruar si këshilltare për shkak të përvojës dhe njohurive që ka.
“Me të drejtë është emëruar sepse ka përvojë dhe njohuri të pasur dhe është e sigurt se prej saj mund të mësohet shumë dhe do të japë një kontribut të madh në punën e ministrisë. Përveç kësaj, ajo ishte një nga kandidatet në listë dhe kështu mori përgjegjësinë dhe pati guximin të ishte pjesë e listës (GI Liria, Drejtësia, Mbijetesa)”, ka thënë Rashiq.